- GOIENAGUSI. 2026.05.27, eguaztena
- Bertso saioa: Maialen Lujanbio, Aitor Tatiegi eta Ane Zuazubiskar
- Oñati (Santa Ana)
“Egun on ta ongi etorri,
eskertzen dugu batzea,
gaurkoan gure gain dago
kurtsoaren balantzea”.
“Hitzaldi, saio ta mendi buelta,
aurrera eta atzea
igual guk uste baino
hobea da jubilatzea” (Lujanbio)
SAIOAREN KRONIKA
Maiatzaren azken egun batean, uda usaina nabaria zen Oñati aldean, goiza epela, eta jende ugari hurbildu zen bertso saioaz gozatzeko asmoz. Kafe goxo batek eman zigun ongietorria Santa Ana aretoan. Bertsolariek hitza hartu zuten, bakoitzak bere ahotsa eta estiloa ekarriz oholtzara.
Saioak une gogoangarriak utzi zituen; umorea eta hausnarketaren eskutik egin zuten bidea bertsolariek, eguneroko bizipenetatik hasi eta gai sakonenetaraino hurbilduz. Entzuleek adi-adi jarraitu zituzten puntuak eta erantzunak, bertsoak txalo beroz sarituz
Behin baino gehiagotan, bizitzaren zikloak izan zituzten hizpide: urteetako lana, ardurak eta bizitzaren gazi-gozoak, erretiro duin baten aitortzan bilduz. Bertsolaritzak beste behin erakutsi zuen zergatik den euskal kulturaren altxor nagusietako bat: ahozko tradizioa bizirik mantentzen duelako, hizkuntza aberasten duelako eta komunitatea elkartzen duelako.
Maiatz amaierako goiz hark, uda atarian, hitzaren indarra eta euskararen bizitasuna elkarrekin ospatzeko aukera paregabea eskaini zigun.
“Mundua ez da beti jai,
inoiz tristea ere bai;
baina badira mila motibo
kantatzeko alai”
Ane Zuazubiskar
Aitor Tatiegi
Maialen Lujanbio
