- OTSAILAK 23, Eguaztena
- 10:00
- SEMINARIXOA – Bergara
IXURKO ORDEÑANA: Genero indarkeria dela eta biktimaren babesa eta tratu txarren emailearen bergizarteratzea
Genero indarkeria egungo gizartearen arazo nagusietako bat da, emakume eta familia asko biktima bihurtzen dituena. Horien babesean gauza asko egin badaitezke ere, konferentziak bitan egin nahi du indar: tratu txarrak ematen dituzten gizonen bergirzarteratzea (eman daiteke? nola? zer egin dezakete horretarako epaileek?) eta komunikabideek kontu honi ematen dioten trataera (benetan, biktima babesten dute? betetzen al dute legedia?). Horien inguruan dagoen legedia aztertuko du konferentzia emaileak bertaratuen elkarrizketarako eta eztabaidarako bidea irekiz”.
La violencia de género es uno de los problemas principales de la sociedad actual, convirtiendo a muchas mujeres y familias en víctimas. Aunque se pueden hacer muchas cosas para la protección de estas, la conferencia va a profundizar en dos: la resocialización de los hombres que producen la violencia de género (¿se puede dar? ¿cómo? ¿qué pueden hacer los jueces, al efecto?) y el tratamiento que los medios de comunicación ofrecen a la cuestión (¿protegen realmente a las víctimas? ¿cumplen la legislacion vigente?). El conferenciante pretende analizar la legislación respectiva dando paso a la conversación y al debate con los asistentes.
Ixusko Ordeñana
Ixusko Ordeñana Gezuraga, EHUko Zuzenbide Prozesaleko irakaslea, UNED-Bergara eta UNED-Bizkaia Ikastetxe Elkartuetako tutorea.
Zuzenbideko ikasleentzako eskolak ematen ditu, gradu- zein master-mailan, hala Espainian nola atzerrian.
Gatazken jurisdikzioz kanpoko konponbideari buruz egin zuen Doktore Tesia, doktoregoko aparteko sariarekin aintzatetsia, Bostonen (Harvard), Ingalaterran (Oxford) eta Australian (Melbourne). Bere ikerketa ildo nagusiaren bidetik, 11 monografia (horietatik sei euskaraz) eta 50 artikulu baino gehiago idatzi ditu, eta beste hainbeste hitzaldi eman ditu.
Hainbat arlotako bitartekaritza ikertu du, hala nola lana, familia, eskola, hipoteka, kooperatiba, zigorra eta konkurtsoa. Arbitrajeaz ere arduratu da, oro har, eta bereziki lan arlokoaz. Ikerketa ildo horrekin loturik, Sestaoko (Bizkaia) bake epailea da duela 15 urtetik eta bake-justiziaren oraina eta etorkizuna aztertu du, zeina gatazken judizioz kanpoko ebazpenarekin lotzen duen. Bi monografiatan eta artikulu ugaritan islatu ditu bere gogoetak.
Biktima, oro har, eta genero-indarkeriaren biktima bereziki, haren beste ikerketa ildo bat da, beken, atzerriko egonaldien eta maila goreneko ikerketa proiektuen bidez elikatu duena. Esparru horretan bi monografia eta liburu-kapitulu ugari eginak ditu. Prozesu zibilaren testuinguruan, kasazioa eta prozesuaren berezitasun autonomikoak landu ditu. Horren emaitza hainbat artikulu eta liburu kapitulutan agertu da.
Euskara juridikoaren eremuan, liburuak eta artikuluak hizkuntza horretan argitaratzeaz gain, legeen itzulpenean parte hartu du (Prozedura Zibila, Fiskaltzaren Estatutu Organikoa, Espainiako Abokatutzaren Estatutu Orokorra eta Espainiako Auzitegietako Prokuradoreen Estatutu Orokorra), baita espainiera-euskara hiztegi juridiko tematikoetan esku hartu ere (Erregistro Ekonomikoen Hiztegia, Lan Arloko Prozedura, Prozedura Kriminala, Zigor Arloa eta Espetxe Zaintza). Duela gutxi, EHUko Zuzenbide Fakultateko Hiztegi Juridikoa koordinatu du.